Republica Serbia

Iste articlo ye sobre a entidat de Bosnia y Herzegovina. No s'ha de confundir con o estau independient d'a Republica de Serbia.

Republica Serbia Republika Srpska Република Српска
Entidat de Bosnia y Herzegovina
Bandera Escudo
Entidat  • Estato	Entidat Bosnia y Herzegovina
Capital	Sarajevo y Banja Luka
Ciudat mas poblada	Banja Luka
Subdivisions	Rechions
Idioma oficial	Serbio Bosnio Croata
Superficie  • Total	24 857 km²
Población  • Total (2013)  • Densidat	1 228 423 hab. 45,80 hab/km²
ISO 3166-2	BA-SRP
A Republica Serbia
Pachina web oficial

A Republica Serbia (en serbio Republika Srpska /rɛpǔblika sr̩̂pskaː/; cirilico: Република Српска) ye una d'as dos entidaz politicas que forman Bosnia y Herzegovina, chunto con a Federación de Bosnia y Herzegovina. Fue reconoixida formalment dimpués d'os Alcuerdos de Dayton que rematoron con a Guerra de Bosnia, en 1995, encara que ya existiba dende chinero de 1992.

L'articlo 9 d'a Constitución d'a Republica Serbia indica que «a capital d'a Republica Serbia ye Sarajevo», encara que a mayor parti d'a ciudat no fa parti d'o suyo territorio y a capital de facto ye Banja Luka. En a entidat habitan tres grupos etnicos: serbios, bosnios y croatas. A Republica Serbia se define en a suya constitución como una entidat territorial unificada, indivisible y inalienable que de forma independient exercerá as suyas funcions constitucionals, lechislativas, executivas y chudicials. O suyo organo lechislativo ye l'Asamblea Nacional d'a Republica Serbia.

En primerías dita Republica Serbia de Bosnia y Herzegovina, fue declarada por l'Asamblea d'o pueblo serbio de Bosnia y Herzegovina, o 9 de chinero de 1992, que fue declarau día festivo en a suya remeranza, dito «Día d'a Republica» (Dan Republike). Iste coincide, seguntes o calandario chuliano, con a fiesta de Sant Esteban, que ye considerau por os ortodoxos serbios como o santo patrón d'a Republica Serbia.